Өтініштерді қарау мерзімі қандай жағдайда ұзартылады?

Өз басым нақтылы себептермен тиісті мекемелерге өтініштер жолдап отырамын. Дегенмен көп жағдайда өтініштерді қараудың аяғы созылып кететінін көремін. Өтініштерді қарау мерзімдері қандай себептерге байланысты ұзартылады?
Нұржан, Алматы   
ҚР Өтініштерді қарастыру тәртібі туралы заңына сәйкес, қарау үшін өзге субъек­тілерден, лауазымды тұлғалар­дан ақпарат алу не жер­гілікті жерге барып тексеру талап етілмейтін жеке және (немесе) заңды тұлғаның өтініші күнтізбелік 15 күн ішінде қаралады. Қа­рау үшін өзге субъектілерден, лауазым­ды тұлғалардан ақпарат алу не жергі­лікті жерге барып тексеру талап етілетін жеке және (немесе) заңды тұлғаның өтініші субъектіге, лауа­зым­ды тұлғаға келіп түскен күнінен бастап күнтізбелік 30 күн ішінде қаралады және ол бойын­ша шешім қабылданады. Қосымша зер­делеу немесе тексеру жүргізу қажет бол­ған жағдайларда қарау мерзімі күн­тіз­белік отыз күннен аспайтын мер­зімге ұзартылуы мүмкін, бұл туралы қарау мер­­зімі ұзартылған кезден бастап күнтізбелік үш күн ішінде арыз берушіге хабарланады. Өтініш­ті қарау мерзімін субъектінің басшы­сы немесе оның орынбасары ұзар­та­ды. Егер өтініште баяндалған мәсе­лелерді шешу ұзақ мерзімді талап етсе, онда өтініш түпкілікті орындалғанға дейін қосымша бақылауға қойылады. Бұл туралы күнтізбелік үш күн ішінде арыз берушіге хабарланады. Қазақстан Респуб­ли­касының заңдарында өті­ніш­терді қа­раудың өзге де мер­зімдері белгіленуі мүм­кін.