Өтілі жоқ жас маман қалай жұмысқа тұрады?

Мен осы жылы жоғары оқу орнын үздік дипломмен бітірген болатынмын. Мамандығым – бухгалтерлік есеп және аудит. Еңбек биржасына барып едім, «жаңа жылдан бастап қана тіркеу болады» деді. Жұмыс іздеп, көп жерлерге бардым, бәрі «еңбек өтілің жоқ» дейді. Қалай жұмыс табуға болады?
Гүлмира, Семей қаласы
Қазақстан Республикасының «Ха­лық­ты жұмыспен қамту туралы» Заңына сәйкес, мемлекет азаматтарға халықты жұмыспен қамту саласында жұмыссыз­дықтан әлеуметтік қорғауға, және жұмыспен қамтуға уәкілетті органдар­дың делдалдығы арқылы жұмыс таңдау мен жұмысқа орналасуда жәрдемдесуге кепілдік береді. Сонымен қатар жұ­мысқа орналастыруда нысаналы топ өкілдеріне жататын жоғары білім беру ордаларын бітірген түлектер басым­дыққа ие болады. Осыған байланысты тұрғылықты мекеніңіз бойынша жұмыспен қамту органдарына жо­лығып, мамандығыңызға сай келетін бос жұмыс орны болған жағдайда жұ­мысқа орналасу мүмкіндігіңіз бар. Бұдан басқа Еңбек және халықты әлеуметтік қорғау министрлігінің сайтында (www.enbek.gov.kz) «Ва­кансия» және «Резюме» бөлімдерінде жұмыс берушілердің мәліметінің не­гізінде, жұмыспен қамту органдары ұсын­ған өз өңіріңіз бойынша еңбек нарығындағы бос жұмыс орындарының тізімімен танысып, жұмыс берушіге резюмеңізді жолдау мүмкіндігі бар. Сонымен қатар Қазақстан Республи­касының «Мемлекеттік қызмет туралы» Заңына сәйкес, мемлекеттік қызметке мекемелерде жарияланатын конкурс негізінде түсуге мүмкіндігіңіз бар. Кон­курстар туралы ақпаратты «Егемен Қазақстан», «Казахстанская правда» басылымдары мен www.kyzmet.kz сайтынан білуге болады.