Өсиет хат үй кітабымен бірге кетті

Жуырда үй кітапшасын жоғалтып алдым. Онымен бірге анамның баспанамызды мұраға қалдырғанын растайтын құжат та бірге кетті. Не істеуім керек?
Жалғас Төлеубаев, Алматы облысы

ҚР Әділет министрлігі маманда­рының мәліметінше, алаңдайтын дәнеңе жоқ. Үйді өз атыңызға ауда­рып үлгерген болсаңыз, онда үй кітабын белгіленген тәртіп бойынша қайта қалпына келтіре аласыз. Егер мұны істеп үлгермеген болсаңыз, үй кітабын қалпына келтіру туралы өтінішке қоса, өсиет хаттың жоғалғаны жайлы тағы өтініш жазуыңыз қажет. Бұған қоса, Халыққа қызмет көрсету орталығына төмендегі құжаттарды ұсынасыз:
– жеке куәліктің түпнұсқасы;
– азаматтың тұрғылықты мекен­жайын анықтайтын құжат;
– үй кітабын алу үшін ақы төлен­генін растайтын түбіртек.