Өрт қауіпсіздігі жылына неше рет тексерілуі тиіс?

Қауіпті өндірістік объектілердің төтенше жағдайға дайындығын тексеру қалай және бір жылда неше рет жүргізіледі? Өрт қауіпсіздігін, электр қауіпсіздігін, эвакуациялық жолдардың ұйымдастырылуын және қызметкерлердің біліктілігін тексеру қалай жүзеге асырылады? Тексеру жүргізуші орган қай заңға немесе қандай ережеге сүйене отырып жұмыс жүргізуі тиіс?
Мейірғали ЕСЕНҒАЛИЕА, Атырау облысы
Өрт қауіпсіздігі қызметі саласы  маманда­ры­ның мәліметінше, қауіпті өндірістік объекті­лердің төтенше жағдайға дайындығын тек­серуі Қазақстан Республикасының «Қа­зақстан Республикасындағы мемлекеттік бақылау және қадағалау туралы» және «Жеке кәсіп­кер­лік туралы» Заңдарына сәйкес, «Қауіп­ті өндірістік объектілердегі өнеркәсіптік қауіп­сіздік туралы», «Өрт қауіпсіздігі туралы», «Қыз­меті үшінші тұлғаларға зиян келтіру қаупімен байланысты объектілер иелерінің азаматтық-құқықтық жауапкершілігін міндетті сақтандыру туралы», «Азаматтық қорғаныс туралы» Заңдарының талаптарын қолдау бо­йынша жоспарлы тексеріс арқылы жүргі­зіле­ді.
Мұнай тасымалдау объектілері Қазақстан Республикасы «Қауіпті өндірістік объекті­лердегі өнеркәсіптік қауіпсіздік туралы» Заңының 11-1 және 15-6 баптарына сәйкес, міндетті декларациялануға жатады және жоғары тәуекел дәреже тобына кіреді. Осыған байланысты «Қазақстан Республи­касындағы мемлекеттік бақылау және қада­ғалау туралы» Заңының 13-бабы бойынша осы объектілер жылына бір рет жоспарлы түрде тексеріледі.
Өрт қауіпсіздігі, электр қауіпсіздігі, эва­куациялық жолдардың ұйымдастырылуы және қызметкерлердің біліктілігі ҚР «Қа­зақстан Республикасындағы мемлекеттік бақылау және қадағалау туралы» Заңының 15-бабына сәйкес, тексеру парағы бойынша тексеріледі.