Оригами деген не?

Мектепке жаңа барған қызым таяуда: «Мама, маған оригами жасауды үйретші», – деді. Баламның көңілі үшін иә дей салдым, бірақ оригами дегеннің не екенін білмейді екенмін.
Ол не өзі?
Сәуле, Алматы қаласы
Оригаáми – түбі шығыс, оның ішінде жапон жұр­тынан шыққан өнер. Жапон тілінен аударғанда, бүктелген қағаз деген мағынаны білдіреді. Оригами – қолөнер түрі, дәлірек айтсақ, қағаздан түрлі бұ­йымдар жасау өнері. Ең кереметі сол, оригами жа­суада бірде-бір қайшы мен желімнің қолданылмай­тындығы.
Егер бұл өнердің түп-тамырына үңілер болсақ, әу баста оригами тек діни рәсімдерде қолданылған, сондай-ақ бертінге дейін оған тек ауқаттылар, яғни жоғарғы тап өкілдерінің ғана қолы жетсе керек. Бұған себеп қағаздың қат болғаны. Заманында самурайлар сый ретінде оригами бұйымдарын бір-біріне сыйға тартқан екен. Тіпті қалыңдық пен күйеудің неке қию рәсімі өтетін жерді жапондар қағаздан жасалған көбелектер мен гүлдермен көмкеретін болыпты. Бұл өнер Еуропаға тек ХVІ- ХVІІІ ғасырларда енген. Ал аталған өнердің жалпы әлемге таралуына жол ашқан Ёсидзавы-Рандлетта атты тұлға. Ол шамамен ХХ ғасырдың 60-жылдары, яғни 1960 жылдардан бас­талады. Ал сіз оригамиді үйрететін жерді бүгінде елі­міздің қай өңірінде тұрсаңыз да, кез келген жерден таба аласыз болмаса интернетте де ол жайлы мағ­лұматтар мен арнайы үйрететін сайттар бар.