Оңтүстік Африка Республикасының күрескер ұлы

Оңтүстік Африка Республикасының күрескер ұлы Нельсон Мандела жайлы білгім келеді.
Айдын, Астана қаласы
Нельсон Ролилахла Мандела 1918 жылдың 18 шіл­десінде Оңтүстік Африка Республикасының Куну елді мекенінде дүниеге келген. 1994 жыл­дың 10 мамырынан 1999 жылдың 14 маусы­мы­на дейін Оңтүстік Африка Республикасының 8-ін­ші және тұңғыш қара нәсілді президенті бол­ды. Ол саналы ғұмырын адам құқықтары үшін кү­респен өткізді. Ол 1944 жылы Африка Ұлттық Кон­гресінің (АҰК) құрамына енді. Шарпевилдегі (1960) шеруде болған ату жазасынан кейін «күш­темеу» саясатынан бас тартып, АҰК-нің «Ұлт найзасы» жауынгерлік қанатының негізін қа­лауға көмектесті. Осылайша саяси көзқарасы үшін тұтқынға алынып, 90 жылдық ғұмырының 27 жыл 6 ай 6 күнін (1962 жылдың 5 тамызынан 1990 жылдың 11 ақпанына дейін) абақтыда өт­кіз­ді. Нельсон Мандела 1993 жылы Бейбітшілік са­ласындағы Нобель сыйлығының иегері атанды. Н.Мандела 1999 жылы отставкаға ке­тер­­де бұрынғы отарлық Африканың барлық өкіл­дерінің толық әлемдік мойындауына ие бол­ды. 5 желтоқсан — Оңтүстік Африка Республи­ка­сының бұрынғы президенті Нельсон Мандела 95 жасында қайтыс болды.