Өнертанушы туралы өрелі кітап

Атақты өнертанушы, Болат Сарыбаев туралы жаңа кітап шығыпты деп естіп едім. Кітаптың авторы кім, және онда не қамтылған?
Айбар Тұрсынұлы, Алматы облысы
Болат Сарыбаев жайлы кітап «Көне дүние күмбірі – Мелодии древности» деп аталады. Бұл кітап Қазақстанның еңбек сіңірген қайраткері, жазушы, профессор Жарқын Шәкәрімнің құрас­тыруымен Алматыдағы «Өнер» бас­пасы­нан жарық көрген.
Автор өз еңбегі жөнінде «бұл кітап қазақтың музыка­лық аспаптану ғылымының негізін қалаған, көрнекті ға­лым Болат Сарыбаев жайлы тұңғыш еңбек болып табы­лады. Онда ғалымның консер­ваторияда есімдері аңызға айнал­ған академик Ахмет Жұбанов, Евгений Брусилов­ский, Латиф Хамиди, Иосиф Ду­бов­ский тәрізді көптеген ұс­таз­дардан үлгі-өнеге ал­ғаны, сондай-ақ Шамғон Қа­жы­ға­лиев, Фуат Мансұ­ров, Құбыш Мұхитов, Фа­ти­ма Бал­ғаева тәріз­ді еліміз­дің көрнекті өнер қай­рат­керле­рімен өнер биігіне қатарлас қанат қақ­қаны әңгімеленеді. Бұдан бөлек Болат Сары­баев зерттеп, жаңғыртқан жетіген, шертер, аса­таяқ, ду­дыға, қоңырау, үскірік, сазсырнай, қос сыр­­най, тас­та­уық, қурай-ысқырғыш, үшпілдек, ысқы­ра­уық, қауыр­сын сырнай, мүйіз сырнай, ұран, бұғы­шақ, керней, даңғы­ра, сылдырмақты қам­шы, қоңы­рау тәрізді қазақтың көне музыкалық ас­пап­тары си­пат­талып оқушы қауымға қара­пайым тіл­мен жеткі­зіл­ген» деген түсініктеме берген.