Өмір сүруге қай ел қолайлы?

Әлемдегі барлық мемлекеттердің арасынан қай елдің денсаулық сақтау саласын ең үздік деп тануға болады?
Бауыржан Қашағанов, Жамбыл облысы
Жуырда Legatum халықаралық тәуел­сіз зерттеулер институты мемлекеттердің өмір сүру деңгейінің 2011 жылғы рейтингісін жариялады. Бұл зерттеуде тұрғындардың әлеуеттік жағ­дайы, көңіл күйі, қауіпсіздік деңгейі, ден­саулық сақтау мекемелері мен білім беру орта­лық­тарының сапасы, ел­дің климаттық жағ­да­йы есепке алынды. Сол бойынша алғашқы бестікке Норве­гия, Дания, Финляндия, Авс­тралия, Жа­ңа Зеландия елдері енді. Ал, кері­сін­ше, өмір сүруге ең қолайсыз аймақтар ре­­тін­де Зимбабве, Судан, Йемен, Орталық Аф­рикалық Рес­пуб­лика, Камерун елдері атал­ды. Жекелеген салалар бойынша қа­рас­тырса, ең қауіпсіз ел ретінде – Ислан­дия, экономикалық көрсет­кіш­тер бойын­ша ең дамыған ел ретінде – Нор­вегия, же­ке бизнес ашуға ең қолайлы ел ре­тінде – Дания, Мем­лекеттік басқарулары ең тиім­ді ел ретінде Швейцария танылды. Ал ден­саулық сақтау саласының сапасы бо­йын­ша АҚШ мемлекеті, білім беру саласының са­пасы бойынша Жаңа Зеландия озат шықты.