Олимпиада әнұраны анықталды

Әрбір спорттық доданың әнұраны жүректе сақталады ғой. 2010 жылы Африкада өткен доп додасында Шакира орындаған Waka Waka әні тез ұмытылатын туынды емес. 2008 жылы Бейжің Олимпиадасы да тамаша шығарманың ырғағында өткен еді. Енді алда келе жатқан Лондон дүбірінде қандай ән әнұран болып бекітілді?
Фарида ПІРІМҚҰЛОВА, Тараз
Британдық Muse рок группасы Лондон Ол­импиадасын ұйымдастыру комитетінің тапсырмасына орай, Survival композициясын жазып шықты. Алты минуттық әуен Лондон Олимпиадасында спортшылар алаңға шық­қан сәтте, оларды марапаттау кезінде ор­ындалады, сондай-ақ барлық телеарна­лар­дағы ол­им­пиадалық бағдарламаларға қол­даны­лады. Топтың әншілері «әнұран спорт­шыларға рух беріп, жеңіске жетелейді» деген ойда. Ән­ұран­ды орындайтын Muse тобы 20 жылға жуық рок сахнасында өнер көрсетіп келе жат­қан ұжым. Әнұранның тұсаукесері 27 маусым күні ВВС радиосында өтті. Сонымен қатар ән­ұранды орындайтын топ Лондон Олимпиадасын ұйымдастыру жұмысына да белсенді үлес қосуда. Атап айтар болсақ, Англияның оңтүстік батысындағы Тинмута қаласында олар Олимпиада алауын ұстау бақытына ие болды.