Неміс фельдмаршалы Паулюсті тұтқындаған қазақ кім?

Сталинград шайқасында мыңдаған әскерімен ойсырай жеңілген неміс фельдмаршалы Паулюсті тұтқын­дағандардың арасында қазақтар бар дейді. Олар кімдер?
Нұртай, Алматы
Сталинград шайқасына алғаш ту тіккен қазақ Қалыбай Өтейбайұлы болатын. Сол сәтті кино­до­ку­мен­та­лис­тер түсіріп алып, «Сталинград эпо­пеясы» деген екі сериялық деректі фильмде көрсетілді. Ол кісі неміс фельдмаршалы Паулюсті тұт­қындауға тікелей қатысты. Ол былай болған. Сталинград шайқасында армиясы қор­шау­ға түскен Паулюс тұтқынға берілуден бас тартқан. Тұтқын­да­лғандардың арасында неміс қол­басшысы болмай шығып, оны іздестіреді. Іздеушілер арасындағы Қалыбай Өтебаев картоп қабығын теріп жүрген 10-12 жастағы Сергей деген орыс баласын сөзге тартып, мән-жайын білген соң ауырып жатқан шешесіне нан бергізеді. Әлгі баладан Паулюсті іздеп жүргенін айта­ды. Бала оның тығы­лып жүрген жерін білетін болып шықты. Бала Сергейді ертіп, осы жайды Рокоссовскийге айтып, бір топ авто­матшылармен Паулюс­тің жасы­рын­ған жерін тауып алады. Бұл жер қира­ған орта­лық әмбебап дүкеннің орнын­да­ғы дуал екен. Сөйтіп, Паулюс бас­таған немістің офи­цер­лері тұт­қындалып, қолбасшы Рокос­совс­­кийге жеткізіледі.