Немере тәтті, заң қатты

Немерем өзіме бауыр басып кеткен, бірақ әке-шешесі оның менің қолымда болғанына қарсы. Сәбиді өз тәрбиеме қалай алуыма болады?
Қанымкүл СЕЙДАХМЕТҚЫЗЫ, Ақтөбе қаласы
Қазақстан Республикасының «Бала құқықтары туралы» заңында баланың мүд­десіне қайшы келмеген жағдайда оның өз ата-анасын білуіне және өзі қа­ла­ған отбасында тәрбиеленуге құқығы бар. Баланың отбасындағы құқықтары да заңда бекітілген. Ата-анасы сәбиді кү­тіп-бағуға, материалдық жағынан қам­та­масыз етуге, жан-жақты дамытуға мін­детті. Негізі, баланы туған ата-анасының қам­қорлығынан айыруға заңмен тыйым салынады. Егер ата-анасы бала тәр­бие­сіне жеткілікті мән бермей отырған жағ­дайда сәбидің құқығы қорғалып, осыған қатысты тиісті шешімді сот органдары шы­ғаруы қажет. Ажыраспақ болған ерлі-зайып­тылар балаларының тұрғылықты ме­кенжайын екеуара келісіп шешуі тиіс.