Неймардың бағасы қанша?

Неймардың шынайы трансферлік бағасы қанша?
Алмас Жүсіпов, Астана
Бразилиялық тілшілер бразилиялық «Сантос» пен каталониялық «Барселона» арасындағы жасал­ған Неймардың шынайы трансферлік бағасын анық­тапты.
Ресми түрде жуырда ғана аяқталған Конфеде­рация кубогының үздік ойыншысы, Бразилия құра­масының 21 жасар шабуылшысы Неймар мен «Бар­селона» арасындағы келісім маусым айында орын алған болатын. Сол кезде қос команданың да бас­шы­лары бұл шартнама 57 миллион еуро деп айтқан еді.
Дегенмен Radio Globo тілшілерінің бірінің қолына бұл келісімшарттың ресми құжаты түсіпті. Ресми құжаттағы деректерге сүйенетін болсақ, Неймарды 100 пайыз өз қатарларына қосу үшін каталондық ко­манда «Сантосқа» бар болғаны 17,1 миллион еуро берген болып шықты. Тағы 171 мың еуро әкімшілік шығынға кеткен.
Бразилиялық тілшілердің пайымдауынша, қал­ған 40 миллион Неймардың әкесіне берілген болуы мүмкін. Оның 10 миллион еуросы тіпті 2012 жылы алдын ала төлем бойынша берілген екен.
Айта кетейік, Неймар «Барселонамен» бес жыл­дық келісімшартқа отырған. «Егер де бразилиялық шабуылшы жаңа командаға ауысатын болса, онда ол клуб 190 миллион еуроға шығындалады» деген келі­сім де бар құжатта. Ал «Барселона» командасы­ның қата­рында Неймар жылына 7 миллион еуро көле­мінде айлық алады.