«Барселона» футбол клубының жанкүйерімін. Жақында бұл клубқа бразилиялық жас талант Неймар ауысыпты. Енді ол каталониялық командада қай нөмірде өнер көрсететін болады?
Самал Толғанбаева, Тараз қаласы
Бұған дейін «Сантос» футбол клубының намысын қорғап, биылғы маусымда «Барселонаның» сапына ауысқан шабуылшы Неймар каталониялық командада қай нөмірде өнер көрсететінін түпкілікті шешкен көрінеді. Неймар каталондықтардың қатарында 11-нөмірмен өнер көрсететін болады.
Неймарға дейін «Барселонада» 11-нөмірлі жейде Тиага Алькантараның иелігінде болатын. Алайда Испания жастар құрамасының жартылай қорғаушысы мюнхендік «Баварияға» ауысып кетті де, нөмір бос қалды. Енді 11-нөмірде ойнау бақыты талантты Неймарға бұйырыпты.
Тағы бір айта кетерлігі, Пеледен кейін туылған көп таланттардың бірегейі ұлттық құрама сапындағы өзі өнер көрсетіп жүрген 10-нөмірлі жейдені де 11-нөмірге ауыстырмақ екен.
Неймар қай нөмірді таңдады?
Последние статьи автора