Мысықтардың мұрты туралы білгім келеді

Мысықтардың мұрты жүйке жүйесімен байланысты ма? Олар қандай қызметтер атқарады?
Бағдәулет Сапаров, Тараз қаласы
Мысықтардың мұрты ғылым тілінде вибриссалар деп аталады. Вибрисса – сүт­қоректілерде болатын ұзын, қатты, сезімтал қыл. Мұндай қылдар олардың көзінің айналасында да болады. Вибрис­са­лардың түбі тері астындағы қылды негізден бастау ала­ды, олардың әрқайсысы күрета­мыр қуы­сымен және жүйке тал­шық­тарымен ты­ғыз байланысты. Мида әрбір вибриссаның өз әсер ету аймағы болады. Мұндай қатты қыл­шықтар бауырымен жор­ғалаушылардың ежелгі аң тәрізді түр­лерінің бас сүйегінен де табыл­ған. Бұл вибриссалардың сүтқорек­тілер терісіндегі түктен де бұрын пайда бол­ғанын көрсе­теді, яғни оған балық­тардың жақ қылқаны сияқ­ты қарауға болады. Мы­сықтарда виб­риссалар иіс және сипап сезу қызметін атқарады. Жиіркенішті немесе қа­уіпті нәр­селерді де соның көмегімен сезуі мүмкін. Айта кетейік, кей­де адамның мұрын қуы­сындағы және қа­быр­шақты жәндік­тер­дегі қылдар­ды да вибриссалар дейді.