Мұстафа Шоқайға арналған кітаптар жарық көрді деген рас па?

Аты аңызға айналған Мұстафа Шоқай туралы қос бірдей кітап жарық көрді деп естіп едік. Тұсаукесері қашан, қайда өтеді?
Арлен СЕРІК, Қаскелең қаласы
Иә, белгілі қоғам қайраткері Мұстафа Шоқайдың өмірі мен қызметіне арналған кітаптар жа­рық көрді. Бұл кітаптардың тұсаукесері Париждің Ножан қала­шығында өтеді. Түркі дүние­сіне танымал ғалым Әбдіуақап Қараның «Мұстафа Шоқай» атты еңбегінің тұсаукесері Франция парламентінің қолдауымен өткелі отыр.
Сондай-ақ танымал суретші Әбілқасым Сәрсенбаевтың бір­неше жылдан бері салып келе жатқан Мұстафа Шоқай туралы суреттері бес тілде фотоальбом бо­лып жарық көреді. Кітап-аль­бомға Мұстафа Шоқайдың туған жері Қызылордадан бастап, Таш­кент, Петербор, Тбилиси, Баку, Стамбул, Париж және Берлин қала­сындағы өмірі өзек болған. Қазақ, француз, түрік, ағылшын, орыс тілдерінде шығатын бұл кітап Еуропа жұртшылығы үшін де қазына болып саналады.
Мұстафа Шоқай Француз – қазақ достық қоғамы (Mustafa Tchokai Association d’Amitié Franco-Kazakh) ұйымдастырып отырған кітаптардың тұсаукесерлері бүгін, яғни 23 қазан күні, сағат 16:00-де Париждің Ножан қалашығында өткізіледі.