Мұқағали қалай диктор болды?

Мұқағали Мақатаевтың бір жылдары Қазақ радиосында диктор болғанын естіп едім. Оған себепкер болған Әнуарбек Байжанбаев көрінеді. Әйгілі диктордың ақиық ақынды радиоға қызметке тартуының сыры неде болды екен?
Мұрат САТЫБАЛДИЕВ, Талдықорған 
Қазақ поэзиясының мұзбалағы 1957 жылы, шынымен де, Қазақ радиосына дик­тор­л­ық қызметке тұрған. Мұқағали­та­ну­­шы­лардың жазбаларына жүгінсек, ақынның бұл жұмысқа келуінің өзі қызық. Қарасаз­дағы бастауыш мектепте біраз жыл орыс тілінен сабақ береді. Кейіннен бұл жұмысын дипломы бар маман иемде­неді де, ақын жұмыссыз қалады. Алматыға келіп, алға­шын­да базарда сауда-саттық­пен айналы­сады. Таулы жер, құнарлы қара топырақты Нарынқолдың картобын, ұнын сатады, өзбек­терше айғайлап, өз өнімін қиыстырып мақтайды. Бір күні көк­өніс алуға көкбазарға келген «қазақтың Левитаны» Әнуарбек Байжанбаев ерекше сазды дауысты естіп, таңдана тыңдап тұрып қалады. Дауыс иесін тауып, таныса­ды. Оның ақын екенін, Мұқағали Мақа­таев екенін біліп: «Мына дауысты  сауда­герлікке қор қылмай, радиоға кел» – деп, дереу жұмысқа шақырады. Мұқа­ғали Мақатаев осылайша радиоға дикторлық қызметке тұрып, жемісті еңбек етеді.