Мүгедектерге қандай көмекші құралдар беріледі?

Көзі мүлде көрмейтін, дәретке табиғи жолмен отыра алмайтын (бүйірінен шлангімен алады) бірінші топтағы мүгедекке радио­те­ле­­фон, диктофон берілуі тиіс пе? Осындай жандарға тиесілі тех­ни­­ка­лық көмекші құралдардың тізімі туралы мағлұмат берсеңіздер.
Айтқазы ӘЛМӘМБЕТ, Алматы облысы
ҚР Yкiметiнiң 2005 жылғы 20 шіл­де­дегі «Мүгедектерді оңалтудың кейбір мәселелері туралы» №754 қаулысымен бекітілген заң негізіндегі жеке оңалту бағдарламасына сәйкес, бірінші және екінші топтағы мүге­дектерді, мүгедек ба­лаларды тиф­ло­техникалық құрал­дар­мен қамта­масыз ету көзделген. Бұл, Қазақ­стан Респуб­ликасының мем­ле­кеттік сатып алу туралы заңнамасы бойынша, мем­лекеттік тапсырыс қара­жаты есе­бінен жүзеге асырылады. Тиф­ло­тех­никалық құралдар бiрiншi және екiншi топтағы мүгедектер мен мүге­дек ба­ла­лар­дың өтініштерінің негізінде аумақтық орган әзірлеген мүгедекті оңалтудың жеке бағдар­ламасы аясында қам­та­ма­сыз етіледі. Мүгедек­терге берiлетiн тех­ни­ка­лық көмекші құралдар мен ар­наулы жүріп-тұру құралдарының тiзбесi мынадай: 1) таяныш таяқтары; 2) тиф­ломагни­то­лалар; 3) оқу маши­на­лары; 4) ком­пьютерлiк тиф­ло­ке­шен­дер; 5) брайл жүйесi бойынша жазу құралы; 6) брайл жүйесi бойын­ша жазу гри­фелi; 7) рельефтi-ноқатты қәрiппен жа­зуға арналған қағаз; 8) дик­то­фон­дар; 9) ды­быс жазбасын шы­ғаруға арналған плейер­лер; 10) на­шар көретiн адам­дар­ға арналған са­ғаттар. Осы тізімнен қа­жетті құрал-жаб­дық­тар­ды алу үшін тұр­ғы­лық­ты же­ріңіз бойынша уәкілетті ор­ганға ба­руы­ңыз қажет.