Мен бірінші топтағы мүгедекпін. Алматыға арнайы мүгедектерді тегін алып жүретін көлік әкелінді деп естіп едім. Оған қалай хабарласуға болады? Және бір сұрайын дегенім, елімізде мүгедектерге арналған бассейндер бар ма?
Сіздің сауалыңызға «Шырақ» мүгедек әйелдер қоғамдық бірлестігінің қызметкері Әлима Бейсенбаева жауап береді:
– Мүгедектерге арналған бассейн Түркия қаласындағы «Мармалис» демалыс орнында бар деп естідік. Онда тіпті мүгедектердің бассейнге түсуіне көмектесетін арнайы қызметкерлер де бар көрінеді. Ал біздің елімізде, өкінішке қарай, әлі күнге мүгедектерге арналған бассейн жоқ. Ал қаламыздағы мүгедектерді тасуға арналған 18 көліктің дайын тұрғаны рас. Бірақ әзірге Алматы қаласының әкімдігі ол көліктердің маршрутқа шығуын қаржыландырмай отыр.