Мұғалімдердің толық жұмыс уақыты қанша болуы керек?
Өзім мұғалім болып қызмет атқарамын. Кейде басшылар қосымша жұмыстарды жиі жүктейді. Менің білгім келетіні, мұғалімдердің толық жұмыс уақыты қанша болуы керек?
Гүлшат МЕЙІРБЕКОВА, мұғалім
Қазақстан Республикасы Еңбек кодексінің 77-бабына сәйкес, жұмыс уақытының қалыпты ұзақтығы аптасына 40 сағаттан аспауға тиiс. Бір аптадағы бес күндік бойынша күнделiктi жұмыстың ұзақтығы апталық норма 40 сағат болғанда – 8 сағаттан, апталық норма 36 сағат болғанда – 7 сағат 12 минуттан және апталық норма 24 сағат болғанда 5 сағаттан аспауға тиiс. Алты күндiк жұмыс бойынша есептесек, күнделiктi жұмыстың ұзақтығы апталық норма 40 сағат болғанда – 7 сағаттан, апталық норма 36 сағат болғанда – 6 сағаттан және апталық норма 24 сағат болғанда 4 сағаттан аспауға тиiс. Күнделiктi жұмыстың ұзақтығы, күнделiктi жұмыстың басталу және аяқталу уақыты, үзiлiстер кезі жұмыс күндерінің белгiленген ұзақтығы сақтала отырып, ұйымның еңбек тәртібі ережелерiмен, еңбек шартымен, ұжымдық шартпен белгiленедi.
