Мопед үшiн көлiк жүргiзушi куәлiгi қажет пе?

Мопед сатып алуды ойлап жүрмiн. Оны жүргiзу үшiн маған арнайы куәлiк керек пе?
Жандос, Алматы қаласы
Егер сiздiң алатын мопедiңiздiң күшi 50 кубтан аспаса, яғни жылдамдық көрсеткiшiңiз сағатына 100 шақырымнан төмен болса, онда сiзге көлiк жүргiзу куәлiгiнiң керегi жоқ. Ал 70-80 куб күшi бар көлiк үшiн «А» категориялы жүргiзу кәулiгi мiндеттi түрде қажет. Кейiнгi шыққан мопедтердiң техникалық көрсеткiшi басқаша болғандықтан, нақты мәлiмет алу үшiн Жол ережесi туралы заңнаманың 24-тарауымен танысып шыққаныңыз артық болмайды.
Алматы қалалық Iшкi iстер департаментiнiң жол полициясы инспекторы Ақбота Әзiрбекованың айтуынша, «кешкi мезгiлде сiздiң қауiпсiздiгiңiз үшiн жол инспекторлары тоқтатып, жеке басыңыздың құжаттарын сұрауы мүмкiн. Өйткенi мопед жүргiзушiнiң жасы 16-дан асқан болуы керек. Мотороллер жүргiзушiлерiнiң кесiрiнен қала көшелерiнде жол оқиғасы көптеп тiркелгендiктен, беймезгiл уақытта жүруге тек ескерту ғана жасалады. Ал басқа жағдайда сiздi тоқтатуға мiндеттi емес».