Моншаның қаншалықты пайдасы бар?

Моншаға құмар адамдар оның кез келген ауруға ем екенін айтады. Шынымен де, барлық аурудың шипасын моншадан табуға бола ма?
Гүлжан БАЯЛИЕВА, Талдықорған
Моншаның көмегімен көптеген ау­ру­дың алдын алуға болаты­нын дә­рігерлер жоққа шығар­май­ды. Мә­се­лен, тыныс жолдарына суық тию, де­мікпе, ларингит сияқ­ты созылмалы сыр­қаттарға бейім адам­дарға монша өте пайдалы. Сон­дай-ақ буын ауру­ла­ры мен құяң, артрит, миозит тәрізді невро­ло­гиялық қолайсыздықтарға жиі шалдығатындарға да оның әжеп­тәуір жағымды әсері бар.
Алайда моншаның керісінше әсер ететін кездері де жоқ емес. Мысалы, ауру қатты асқынып тұр­ған кезде немесе дене қызуы жо­ғары болғанда монша ауруды одан cайын өршіте түседі. Сонымен қатар қан айналымы бұзылған жағ­дайда және жүрек, ги­пер­тония ау­руларында да ыстық мон­шаға түсуге болмайды.