Монетаны мұраға қалдыруға немесе сатуға болады

Маған бір жыл бұрын бір құрбым елімізде құйылған «Золотой барс» атты инвестициялық монетаны сыйға тартқан еді. Оны қай жерге өткізуге болады?
Гүлжан, алматылық
Біздің елімізде монеталар шы­ғарумен тек Ұлттық банк айналы­сады. Ол бір рет әрі белгілі бір мөл­шерде шығарылады. Сондықтан оны мұраға қалдыруға  немесе сатуға болады. Мұндай монетаны банктің өзі де қабылдайды. 
ҚР Ұлттық банкінің 2005 жылдың 12 желтоқсанындағы №163 қаулы­сына сәйкес, Ұлттық банктің инвес­тициялық монеталарын сатып алу мынадай тәртіп бойынша жүргізі­леді:
– бағалы металдан тұратын инвес­тициялық монетаны қабыл­даушы – Ұлттық банктің кассирі  мо­нетаны сатып алу жөнінде екі нұсқа­дан тұратын акт жасайды, сөйтіп, біреуін монетаны тапсырушыға бе­реді;
– одан кейін қабылданған моне­та сараптамаға жіберіледі (бағалы металдың салмағы қанша, белгісі қандай деген секілді);
– монета құрамын сараптама  нақ­тылаған соң, оны қабылдаған күннен бергі 30 күн ішінде бағалы металдың салмағына қарай иесіне ақысы төленеді. Бұл арада инвес­тициялық монетаны сатып алу баға­мы  оны өткізген күнгі Лондон бир­жа­сындағы алтынның бағасына және Қазақстан қор биржасының таңғы сессиясында тіркелген тең­генің ше­тел­дік валютаға шаққандағы курсына сәйкес есептелетінін ескер­те кетелік.