Монархияның үш түрі бар

Осы мемлекеттік басқарудың монархиялық түрі туралы толығырақ білгім келеді. Монархиялық басқарудың қанша түрі бар және өзара ерекшеліктері қандай?
Марлен Қуанбай, Талғар
Монархияның абсолюттік, дуалистік және конституциялық түрі бар. Абсолюттік мо­нархияға Сауд Арабиясы, Катар, Кувейт, Оман, Бруней жатады. Абсолюттік мо­нар­хия­ның белгілері: монарх билігі Конс­ти­туция немесе заңдармен шектелмеген; Пар­ламент жоқ немесе оның іс-қимылы барынша шек­телген.
Сондай-ақ конституциялық монархияға Бельгия, Испания, Люксембург, Монако, Ұлы­­британия, Дания, Швеция, Нидер­лан­ды, Жа­пония, Норвегия жатады. Конс­ти­ту­ция­лық монархияның белгілері: Конс­ти­туция мо­нарх билігін шектейді; монарх мемлекет символы ретінде, бірақ нақты би­ліктік құзы­реті жоқ; үкімет монарх алдын­да жауапты емес.
Дуалистік монархияға жататындар: Иор­дания, Марокко, Тунис. Дуалистік мо­нар­хия бел­гілері: билік монарх пен пар­ла­мент ара­сында бөлінген; монарх үкіметті тағайын­дай­ды; монарх парламент шығарған заңға вето жариялай алады.