Монархия мен демократия бір-біріне кереғар ма?

Көпшілік қауым монархия бар жерде демократия жоқ дегенді жиі айтады. Сонда монархия мен демократия бір-біріне қабыспайтын ұғым ба?
Санат ЕЛДОСҰЛЫ, студент
Монархия мен демократия бір-біріне үш қайнаса сорпасы қосылмайтын ұғым болып көрінетіні рас. Алайда әлемдік тәжірибеге көз жүгіртсек, бұл екеуі өзара қарама-қайшы түсініктер емес екен. Мәселен, бұған демо­кра­тияның діңгегі болып отырған монар­хия­лық елдердің шынайы сипаты айқын мысал.
Еуропада Ұлыбритания корольдігі (пат­ша­йымы Елизавета II), Швеция корольдігі (ко­ролі Карл XVI Густав), Дания корольдігі (пат­шайымы Маргрете II), Нидерланды (пат­шайымы Беатрикс), Испания корольдігі (ко­ролі Хуан Карлос I), Бельгия корольдігі (ко­ролі Альберт II), Норвегия корольдігі (королі Ха­ральд V), Ватикан (папасы Бенедикт XVI) және басқалар. Ал Азияда Жапония (им­пе­ра­торы Акихито), Малайзия сұлтанаты (сұл­таны Мизан Зайнал Абидин), Тайланд ко­роль­дігі (королі Пумипон Абульядет). Авс­тра­лия мен Канада да Ұлыбритания пат­ша­йымы басқаруындағы монархия болып та­бы­лады.