Мереке күндері бас қалалар арасына қосымша пойыз қатынайды

Жыл сайын мереке күндері Алматы мен Астана арасында қосымша по­йыз­дар жүретін еді. Биыл вагондарда орын мен билет тапшылығы болмай ма?
Марат Орынбаев, Алматы қаласы
«Қазақстан темір жолы» ҰК «Жолау­шы­лар тасымалы» АҚ баспасөз қыз­ме­тінің хабарлауынша, Наурыз мерекесіне орай Астана мен Алматы бағытына қо­сымша пойыз шығарылады. Бұған жо­лаушылардың сұранысы себеп болған. N 36/35 жүйрік пойызы жеті вагоннан тұрады, 288 орны бар. Қосымша құрам «Астана» стансысынан наурыздың 18-і күні жергілікті сағат 22.05-те жол­ға шығып, келесі күні «Алматы-2» стан­сы­сына келуі тиіс. Наурыздың 20-сы күні 14.44-те пойыз Алматыдан елорданы бетке алады. Екі бас қала арасына әдеттегі по­йыздар да қатынайтын болады. Нау­рыздың 16-23-і аралығында еліміздің басқа да аймақтарындағы бағыттардың қа­жеттілігі үшін барлығы 134 қосымша вагон іске қосылмақшы.