Мемлекеттік хатшы – әр елде әртүрлі лауазым

Әр елдерде кездесетін Мемлекеттік хатшылар қандай міндет атқарады? Қазақстан Республикасындағы Мемлекеттік хатшы қандай өкілеттіктерді жүзеге асырады?
Әсел Қуатқызы, Алматы
Ұлыбританияда қорғаныс істері, ішкі істер және Шотландия істері жө­­­ніндегі Мемлекеттік хатшы лауа­зы­мы бар. Бельгияда Мемлекеттік хат­шы премьер-министрдің орын­ба­сары болып саналады. Ал АҚШ-та Мемле­кет­тік хатшы конституция бо­йынша ке­ңесші орган болып са­налғанымен, іс жүзінде сыртқы істер ми­нистрінің қыз­метін атқаратын сырт­қы саясат бас­қармасы – мем­лекеттік депар­та­мент­ті басқарады. Қазақстанда Мем­ле­кеттік хатшы лауазымы – ҚР Прези­ден­ті қызметке тағайындайтын және қыз­меттен босататын жоғары лауа­зым­дардың бірі. Мемлекеттiк хатшы өз қызметiн Қазақстан Республикасы Пре­зиден­тiнiң тiкелей басшылығымен жү­зеге асырады, оған есеп бередi және бақылауында болады.Мемле­кет­тiк хатшы мынадай өкiлеттiктердi жү­зеге асырады: ҚР Президентi үшiн iшкi және сыртқы саясаттың негiзгi ба­­ғыттары бойынша ұсыныстар тұ­жы­­рымдайды; Мемлекет басшы­сы­­­ның тапсырмасы бойынша: ҚР Пар­ла­ментімен және оның пала­та­лары­мен, басқа да мемлекеттiк ор­ган­дар­мен, саяси партиялармен жә­не өзге де қоғамдық бiрлестiкте­рi­мен қа­рым-қатынастарда; ха­лықаралық қа­тынастарда оның мүдделерiн бiл­дiредi, Мемлекет басшысының жа­нын­дағы консуль­та­тивтiк-кеңесшi о­р­ган­дардың қызметiн үйлестiредi; Қа­зақстан Республикасында қоса а­т­қа­рушы ретiнде тiркелген шет мем­ле­кеттердiң елшiлерiнен Сенiм гра­мо­­таларын қабылдайды.