Мәдениет порталы қашан ашылмақшы?

Елімізде мәдениет жайлы интернет-портал ашылады деп естідім. Осының жай-жапсары қандай? Сондай-ақ жаңа порталдың мәдениетімізге пайдасы бола ма?
Нұрбосын ЖҰМАТАЙ, Қызылорда
Қазақстанда мәдениет жайлы ин­тер­нет-порталдың ашылатындығы «Жаңа әлемдегі еуразиялық мәде­ниет» форумында белгілі болды. BNews.kz-тің хабарлауынша, бұл жө­нін­де Астанада форум делегат­тары­ның Қазақ ұлттық өнер институтына сапары барысында мәдениет және ақпарат министрі Дархан Мың­бай мә­лімдеген.
Ал «Жаңа әлемдегі еуразиялық мә­дениет» атты халықаралық форум 15 маусымда, елордадағы Бейбітші­лік және келісім сарайында ашылған. Форумның мақсаты – ТМД мемлекеттері арасындағы мәдени-гумани­тар­лық ықпалдастықты нығайту, ТМД-ның мәдени, шығармашылық, гума­ни­тар­лық қоғамын рухани тұрғыда біріктіру.
Осы орайда, Қазақстан мәдениеті жайлы жаңа порталдың келесі жылы ашылатынын айтқан Дархан Мыңбай оқытушылардың ғылыми-зерттеу­ші­лік жұмыстарына міндетті түрде қол­дау көрсетілетінін атап өтті.