Мәдениет күндері қашан өтеді?

Естуімше, алдағы уақытта Түркияда Қазақстанның мәдениет күндері өткізілмекші екен. Осы жөнінде нақты ақпарат берсеңіздер.
Нұрзия БОЛАТҚЫЗЫ, Алматы облысы
«Қазақ халқының Мәдениет күндері» деп аталатын ауқымды мәдени-танымдық шара­лар Түркияда 9-11 наурыз күндері өтеді деп жоспарланған.
Аталған мәдени шараны Ыстамбұл қала­сының Қазақ-түрік қоры мен Дүниежүзі қазақ­та­ры қауымдастығы бірлесіп ұйымдастырып отыр.
Қауымдастық таратқан мәліметке сүйенсек, қазіргі уақытта Түркияда тұрып жатқан  қазақ диаспорасының тарихы ХХ ғасырдың 50- жылдарынан бастау алады. Түрік елінде өтетін қазақ халқының Мәдениет күні аясында Ыстам­бұлда Дүниежүзі қазақтары қауым­дастығы төрағасының бірінші орынбасары Талғат Мама­шев қазіргі Қазақстан жайлы арнайы баяндама жасап, сөз сөйлейді деп күтілуде. Қазақ  диас­порасының өтініші бойын­ша аталған қауым­дастықтың 20 жылдығына орай Түркияда үлкен концерт әзірленуде. Ыстам­бұл қаласында өтетін бұл концертке ҚР-ның еңбек сіңірген әртісі Майра Ілиясова, еліміздің мәдениет қайраткері Меруерт Түсіпбаева, Еркін Мерген, Өмірқұл Айниязов және халықаралық байқау­лардың жеңімпазы Уатқан Заханқызы сынды өнер саңлақ­тары қатыспақ.