Лимонның пайдасы қаншалық?

Әдетте, «суық тиіп ауырғанда лимонмен шай ішкен пайдалы» деп жатады. Шынымен де, лимонның пайдасы зор болғаны ма?
Арайлым БЕЛГІБАЕВА, Талғар қаласы
Сенімді дереккөздерге сүйенер болсақ, мұндайда лимоннан гөрі апельсиннің пай­дасы көбірек көрінеді. Өйткені ли­мон­дағы аскорбин қышқылы, яғни адам им­му­нитетін көтеруге негіз болатын С дәру­мені апельсинге қарағанда шамамен 30%-ға аз екен. Сол себепті де, орташа көлемдегі бір апельсин жеу арқылы өз организміңізді аталған дәруменнің күндік нормасы – 60 мг-мен қамтамасыз ете ала­сыз. Егер лимонның екі тілігін ыстық шайға салар болсаңыз, ондағы аскорбин қыш­қылының әсері әлдеқайда төмендейді. Сондықтан организмдегі С дәруменінің жетімсіздігін басқа жолдармен толық­тыр­ған тиімді. Бұл ретте, грейпфрут, киви, бол­гар бұрышы немесе мандарин жеміс­те­рін қолданған да пайдалы. Тұмау-сымау маусымы қашан басылғанша, аталған дәрумендер көмегіне жүгіну арқылы ас­корбин қышқылының күндік нормасын қа­лайда толтыруға тырысқан абзал.