Лицензияны қалпына келтіру мүмкін бе?

Адвокаттық қызмет көрсету үшін берілген лицензия мен соған қатысты басқа да құжаттарды жоғалтып алған кезде оны қайта қалпына келтіруге бола ма? Қандай құжаттар қажет? Лицензияны электронды үкімет порталының көмегімен жаңартуға бола ма?
Абзал Рахметоллаұлы, Алматы қаласы
ҚР Әділет министрлігі маманда­ры­­ның хабарлауынша, ҚР «Лицен­зия­лау ту­ралы» Заңының 47-бабына сә­й­кес, лицензияны жоғал­тып не­ме­се бүлдіріп алған кезде оның ду­бли­катын жасатуға болады. Құжатты қал­пына келтіруге өтініш берілген күні бұрын берілген лицен­зия жарам­сыз деп танылады. Лицензияны қал­пына келтіру үшін арыз, жеке басты куә­ландыратын құжаттар­дың кө­шір­месі, лицензиялық салым төленгенін рас­тайтын құжаттың көшірмесі, ли­цензияның жоғалғанын немесе жыр­ты­лып қалғанын айғақтайтын құ­жат­тар талап етіледі. Лицензия ду­бликатын elicense.kz порталының кө­мегімен де жасатуға болады.