Күн ыстықта қалай киінген жөн?
Шілденің шыжыған ыстығына шыдамай, жартылай жалаңаштанып тастадық. Күн ерекше ыстық елдерде адамдардың басынан аяғына дейін оранып-шымқанып алып қалай жүретініне еріксіз таңғаласың. Жалпы, ыстықта қалай киінген дұрыс?
Ақмарал БИСАЛЫ, Астана қаласы
Шынымен де, Иран, Ирак, Біріккен Араб Әмірліктері сияқты ауа райы ерекше құрғақ мемлекеттерде адамдардың көбінесе қымтанып жүретіні – қалыпты жайт. Бұл ретте, киімнің термос сияқты әсері болады. Яғни ол дененің сырттағыға қарағанда төмендеу температурасын сақтап тұрады. Оның үстіне терлеген кезде адамның тері булана отырып, денені салқындатады. Үндістан, Бразилия тәрізді климаты ылғалды басқа да мемлекеттерде булану үдерісі өте баяу жүреді де, жұрттың жеңіл киінгеннен басқа амалы қалмайды.
Алайда қалың киінсеңіз де, жартылай жалаңаш жүрсеңіз де, дәрігерлер қатты ыстықта күн сәулесінен қорғайтын кремді пайдалану керектігін ескертеді.
