Компьютердегі ақаудың алғашқы белгілері қандай?

Газеттеріңіздің өткен санында компьютерлік вирустардың қауіптілігі жайында жазып едіңіздер. Менің білгім келетіні, компьютеріме вирустың еніп кеткенін нақты қалай білуге болады? Оның қандай белгілері бар?
Қайырбек Тұрсынов, Қызылорда облысы
Компьютеріңізбен жұмыс барысында қиындықтар туындаған сәтке дейін сіз вирустың бар-жоғынан хабарсыз болуыңыз мүмкін. Компьютердің вируспен зақымданғанының бірнеше негізгі белгілері мыналар:
– компьютер әдеттегісінен баяу жұмыс істейді;
– компьютер сұраныстарға жауап беруін доғарып, бұғатталып қала береді;
– жүйе әр бірнеше минут сайын жұмыс істеуден бас тартып, қайта жүктеліне береді;
– дискілер мен диск жетектеріне қатынау мүмкін болмай қалады;
– басып шығару қателермен жүреді;
– қателер туралы әдепкіден тыс хабарла­малар пайда бола бастайды;
– мәзірлер мен сұхбат терезелерінің көрінісі өзгеріп кетеді.
Бұлардың бәрі – вирус жұққандығының типтік белгілері. Алайда олар бағдарламалық жасақтаманың немесе құрал-жабдықтардың вирустарға еш қатысы жоқ ақауларынан хабар беруі де мүмкін. Сондықтан да компьютерде вирусқа қарсы қазіргі заманғы сапалы бағ­дар­ламалар орнатылмаса, компьютердің вирус­тармен зақымданғанын дәл анықтау оңай емес.
Ал өз компьютеріңіздің қауіпсіздігін қамта­масыз ету үшін:
Компьютеріңізде вирустардың бар-жоғын кем дегенде екі айда бір рет тексеріп отыры­ңыз. Өзіңіз сенімді болмаған кез келген сырт­қы тасымалдаушыда вирустар бар-жоғын тек­се­ріп отырыңыз. Өз компьютеріңізде бө­тен адамдардың жұмыс істеуіне жол берме­ңіз. Күмәнді бағдарламаларды көшіріп жаз­бауға тырысыңыз. Вирусты өз бетіңізбен залал­сыз­дандыра алмасаңыз, маманға жүгініңіз.