Кітапхана меңгерушісінің еңбекақысы қалай есептеледі?

Мектеп кітапханасы меңгерушісі бір жүктеме бойынша күніне қанша сағат еңбек етуі керек және оның айлығы қалай болады?
Жаннұр Серікқызы, Қарағанды қаласы
ҚР Үкіметінің 2007 жылғы 29 жел­тоқсандағы №1400 қаулысының 19-қосымшасына сәйкес, кітапхана меңгерушісі мен кітапханашының толық жүктемесі 40 сағаттық жұмыс аптасында сегіз сағаттық толық жұмыс күнін құрайды. Кітапхана меңгерушісі жұ­мысымен бірге, кітапханашының бос орны лауазымы бойынша қоса мін­деттеме атқарған кезде қызмет көрсету көлемінің ұлғаюына байланысты оған лауазымдық еңбекақы көлемінің 50%-ы мөлшерінде үстемеақы белгіленеді. Атал­ған қаулыға сәйкес, кітапхана меңгерушісі үшін G-8 санаты бойынша, кітапханашы үшін G-10, G-12, G-13 санаты бойынша біліміне байланысты төлемақы белгіленеді, ол қызметкердің лауазымы мен лауазымдық санатына, мамандығы бойынша еңбек өтіліне, тағайындалған біліктілік дәрежесіне және лауазымдық төлемақыны есептеу үшін бекітілген коэффициентке бай­ланысты анықталады.