«Кішкентай ханзада» қанша тілде сөйлеген?

Антуан де Сент-Экзюперидің балалардың сүйікті шығармасына айналған «Кішкентай ханзада» атты ертегісінің қазақ тілінде кітап болып шығуы – бәріміз үшін қуанышты жайт. Бұл өзі әлем халықта­рына ең танымал және ең көп тараған шығармалардың бірі көрінеді. Бұл туынды дүниежүзі бойынша қанша тілге аударылған?
Еркін ШЫҢҒЫС, Алматы
Антуан де Сент-Экзюперидің «Кіш­­кен­­тай ханзада» атты әйгілі туын­дысы қазақ оқыр­мандарымен қа­уышты. Фран­цуз ті­лінен қазақ­ша­ға тікелей ауда­рыл­ған бұл кі­тап Қа­зақстандағы Фран­цуз жылы ая­сын­да, француз мәдениетін қазақ ті­лінде насихаттау мақсатында жа­рық­­қа шығып отыр. Кітап бұдан бұ­рын 2004 жылы Жа­нар Қонаеваның тәр­жімалауымен басы­лып шыққан. Бірақ жи­нақтың таралымы ол кезде шектеулі болған және Қазақстан мектептерінің кі­тапханаларына ғана берілген, саты­лым­ға түспеген.
Осыдан 70 жыл бұрын жазылған шы­­­ғар­ма алғашында ағылшын, фран­цуз тіл­­де­рінде басылып шығарылған. «Кіш­кен­тай хан­зада» – әлем халықтарыне ең көп та­рал­ған кітап. Францияның Ал­ма­тыдағы бас консулы Патрик Ренардың сөзіне жү­гін­сек, дүниежүзінің 265 тіліне тәр­жі­ма­ланған жинақтың 1300 ба­сы­лы­мы және 145 миллионнан ас­там са­тыл­ған кө­шір­ме­сі бар. Кітапты ба­сып шы­ғар­ған «Ата­мұ­ра» кор­по­ра­циясының пре­зиденті Ра­хым­ғали Құл-Мұхаммедтің ай­туынша, «Кіш­кентай ханзада» ба­ла­ларға арналған шы­ғарма болғанымен, оқып отыр­ған кез­де үлкендерді де ойға қал­ды­рады. Әлемге та­нымал бұл кітапты енді еліміздегі кітап дүкендерінен сатып алуға болады.