Кірпіштің қалыптасқан стандарты бар ма?

Негізі, кірпіштердің өзінің өлшемдері, арнайы стандарттары болады дегенді естиміз. Ол қандай өлшем? Елімізде шығарылатын барлық кірпіш бір шамада болмай ма?
Алтынбай СҮЙІНҰЛЫ, Қызылорда облысы

Бұл сұраққа «Мелиоратор» ЖШС, Қызылорда қаласындағы кірпіш шығаратын зауыттың директоры Мұрат Тоғысбаев былай дейді:
– Негізі, кірпіш шығаратын әр зауыттың өзінің қалыптасқан стандарты болады. Мәселен, бір зауыт өзінің стандартына сай өнімін бір өлшемде шығаруы керек. Зауыт басшысы сертификат аларда міндетті түрде шығаратын өнімінің өлшемін көрсетеді. Сол бойынша оған түрлі мекемелерден тапсырыстар түседі. Кірпіштің де түр-түрі бар. «Полноценный» қыш, «деликатный» қыш т.б. «Деликатный» қыш кеуекті болса, ал «полноценный» қышта бос тесік болмайды, толық әрі ауыр болады. Сондай-ақ Кеңес үкіметінен келе жатқан «условный» кірпіші бар, яғни шартты белгіленген қыш. Бұлардың өлшемдері де әртүрлі. Мәселен, кеуекті қыштың өлшемі 250-120-88 миллиметр болып келеді. Тығыз қыштың да өлшемі осыған ұқсас болғанымен, аздаған айырмашылықтары бар. Ал баяғыдан келе жатқан шартты кірпіштің өлшемі 250-120-60 миллиметр болып есептелген.