Кімнің соққысы жойқын?

Көптен бері қызықтырып жүрген бір сауалым бар еді. Әлі күнге жауабын таба алмай келемін. Кейбірі футбол әлемінде ең жойқын соққы Роберто Карлосқа тиесілі десе, кейбірі Криштиану Роналдудың соққысын атайды. Сіздер не дейсіздер?
Бауыржан Исмаилов, Тараз қаласы
Иә, Роберто Карлостың соққысы жой­­қын. Мәселен, 1997 жылы Фран­ция құрамасының қақпасына айып до­бын орындаған бразилиялықтың соқ­қы­­сы сағатына 137 шақырым жыл­дам­­дық­пен ұшып, доп қақпаға дәл то­­ғы­ты­лып­ты. Одан бөлек, «Реал» са­пын­да Фран­цияның «Марселіне» соқ­қан голы сағатына 198 шақырым жыл­дам­дықпен ұшыпты. Дегенмен 2010 жылғы әлем чем­пионаты кезінде Австралия құ­ра­ма­сы­на гол соққан Германия шабуылшысы Лукас По­дольс­кидің соққысы одан да жой­қын шығып, сағатына 201 шақы­рым жыл­дам­дықпен ұшқан. Авс­тра­лия­лық қақ­пашы Марк Шварцер қаба­ғын қағып та үлгермеген. Сөйтіп, бұл соқ­қы фут­бол әлеміндегі ең жойқын соққы ре­тін­де Гиннестің рекордтар кіта­бы­на енген. Алайда бұл да футбол әле­мін­дегі ең жой­қын соққы болып табыл­май­ды екен. Германияның «Гертасында» өнер көрсететін бразилиялық Ронни Фур­та­до­ның орындаған айып добы сағатына 210 шақырым жыл­дамдықпен ұшып­ты. Бірақ ол 2006 жыл болатын және ол кезде Ронни «Гертада» емес, «Ко­рин­тианс» сапында өнер көрсететін. Сондай-ақ гол ресми кездесуде соғыл­ма­ғандықтан, Рекордтар кітабына енген жоқ. Айта кетейік, көпшілігі соқ­қысы жой­қынға балап жүрген Криш­тиа­ну Роналдудың соққысы сағатына 130 ша­қырым жылдамдықты құрайды екен.
Айтпақшы, зерттеушілер футболшы допты қанша жойқын күшпен тепсе де, оның еш сүйегіне зақым келмейтінін айту­да. Ары кетсе, сіңірі созылуы мүм­кін екен.