Кімдер аумақтық сайлау комиссиясына мүше бола алмайды?

Алдағы Сенат сайлауы қарсаңында аумақтық сайлау комиссиялары жұмыс істеп жатыр. Қандай тұлғалардың аумақтық сайлау комиссиясының мүшесі болуға құқы жоқ?
Айдана ҚАСТЕК, Алматы
Мына жеке тұлғалар: соттал­ған­дығы заңда белгiленген тәр­тiп­пен өтелмеген немесе алып тас­талмаған адам, сот iс-әрекетке қа­бiлетсiз немесе iс-әрекет қа­бiлетi шектеулi деп таныған адам («Сайлау туралы Конституциялық заңның 19-бабы 2-1-тар­мағы), Пар­ламент, мәслихаттар де­пу­тат­тары, өзге де жергiлiктi өзiн-өзi басқару органдарының мүше­лерi, Парламенттің, мәслихат­тар­дың депутаттығына канди­дат­тар, өзге де жергiлiктi өзiн-өзi басқару органдарының мүше­лерi, сондай-ақ кандидаттардың сенiм бiлдiрген адамдары, мем­ле­кеттiк саяси қызметшi ла­уазымындағы адамдар, Қа­зақ­стан Республикасы соттарының судья­лары сайлау комиссия­сы­ның мүшесi бола алмайды. Сон­дай-ақ кандидаттардың жұбайы (за­йыбы) мен жақын туыстары, кан­дидаттарға тiкелей ба­ғы­нышты адамдар сайлауды тiкелей ұйымдастыру мен өткiзудi қам­тамасыз ететiн сайлау ко­мис­сия­ларының құра­мында бола ал­майды.