Кім Мәжіліс депутаты бола алады?

Алдағы Мәжіліс сайлауына түсетін үміткерге қойылатын талаптар қандай? Қандай жағдайда кандидат болып тіркеле алмайды?
Бағдат Есілхан, Алматы
Республика аумағында соң­ғы он жыл тұрақты тұратын, жа­сы 25-ке толған, Кон­сти­ту­цияның 33-бабының 2 жә­не 3-тар­мақтарына, «Қа­зақ­стан Рес­пу­блика­сындағы сай­лау ту­ра­лы» Кон­ституциялық заңына сәй­кес, бел­сенді сайлау құқы­ғы­на ие ҚР аза­маты Парламент Мә­жілісінің де­путаты бола алады. Сот­тал­ған­дығы белгілен­ген тәртіппен өтел­ме­ген немесе алып тасталмаған адам, сондай-ақ сыбайлас жем­қор­лық қыл­мыс және сыбайлас жем­қорлық құ­қықбұзушылық жа­сау­дағы кінәсін сот заңда белгілеген тәр­тіппен таныған адам Қазақстан Республикасы Парламенті Мә­жілісі депу­тат­тығына кандидат бола ал­майды.
Партиялық тізімдер бойын­ша сай­ланатын Мәжіліс депутат­ты­­ғына кан­дидаттар ұсыну құ­қығы – бел­гі­ленген тәртіппен тір­келген саяси пар­тияларға, ал Қазақстан халқы Ас­самблеясы сай­лайтын Мәжіліс депутат­ты­ғына кандидат­тар­ға қа­тыс­ты Ас­самблея кеңесіне тиесілі.
Бiртұтас жалпыұлттық сайлау округiнiң аумағы бойынша Мә­жіліс депутаттығына сайлау үшін адам­дарды партиялық тiзiмге енгізу саяси партияның жоғарғы органы мүшелерінің жалпы са­ны­ның көп­ші­лік даусымен жүр­гі­зі­ле­ді. Саяси пар­тиялардың пар­­тия­лық тізім­дер­ге осы саяси пар­­тия­ның мүшелері бо­лып та­был­майтын адамдарды кір­гізуге құ­­қығы жоқ.