Кенесары хан туралы қандай шығармалар бар?

Қазақтың соңғы ханы Кенесары ханға арналған шығармалар жайлы білгім келеді.
Нұрболат, Көкшетау қаласы
Кенесары хан қазақ халқының дербес мем­лекеттілігін қалпына келтіру, халқын бодан­дық­тан құтқару мақсатында күресті. Сол себепті де ханның өмірі мен азаттық жолындағы күресі көп­теген ақын-жазушылардың шығармаларына арқау болды. Мәселен, Нысанбай ақынның «Кене­сары – Наурызбай» дастаны (ХІХ ғ.) 1875 жы­лы сұлтан Жантөриннің тәржімасымен «Орыс гео­графиялық қоғамы Орынбор бөлім­шесінің жазбаларында» орыс тілінде жариялан­ған. ХХ ғ-дың 1930 жылдары М.Әуезов «Хан Кене» пьесасын, 1960 жылдары І.Есенберлин «Қаһар» романын жазды. «Қазақ сұлтаны Кене­са­ры Қасымовтың бүлігі» деген тақырыппен Н.Сере­даның 1870 жылы «Вестник Европы» жур­налының бірнеше нөміріне бастырған кітабы­ның дерек көзі ретіндегі маңызы зор. 1888 жылы Ташкентте «Кенесары мен Садық» деген атпен шыққан Кенесарының баласы сұлтан Ахмет Кенесариннің естеліктер жинағы да құнды еңбек болып табылады. Сонымен қатар Кеңес өкіметі тұсында ханның күрес жолына іргелі ғылыми зерттеу арнаған тарихшы ғалым Е.Бекмахановтың («ХІХ ғасырдың 20-40 жыл­дарындағы Қазақстан», 1947) еңбегін атап ай­туға болады.