Кавказдықтардың ұзақ жасауының сыры неде?

Естуімше, Кавказ тұрғындарының ұзақ өмір сүруінің себебі олардың жүрек­те­ріне байланысты көрінеді. Яғни олардың жүректері өзге аймақ халықтарына қа­рағанда әлдеқайда сау, мығым және күшті болса керек. Шынымен де, солай ма?
Айбек ОРЫНБАЙ, Орал қаласы
Кавказдықтардың ұзақ жасауының сыры әлі толықтай зерттеліп болған жоқ. Бірақ тау халықтарының ұзақ өмір сүруі, шынымен де, олардың жүректерінің саулығына бай­ла­нысты деген болжам бар. Біріншіден, олар жақсы шыныққан және ұзақ жасау­шы­лар тау-таста бала кезінен жүруді әдетке ай­­налдырған бақташылардың арасында көп кездеседі. Екіншіден, кавказдықтардың дені шылым шекпейді және ата тегінен сақ­талып келе жатқан жақсы қасиеттерге ие. Айтқандай, кавказдықтардың ас мәзіріне қой еті ешқашан кірмейтін көрінеді. Ол жақ­та қойды тек үлкен мерекелерге орай ғана сояды. Ал күнделікті өмірде кавказдық­тар, негізінен, ірімшік, сүзбе және бау-бақ­ша өнімдерімен тамақтанады.
Адамдар ұзақ өмір сүруге мүмкіндік беретін тағамдық өнімді үнемі іздеумен келеді. Бірақ денсаулықтың жақсы сақталуы – салауатты өмір салтын ұстану, дұрыс та­мақ­тану, сондай-ақ жат әдеттерден аулақ болу тәрізді факторларға тікелей байла­ныс­ты екенін ұмытпаған жөн.