Кастингтен қалай өтемін?

Киноға түскім келеді. Бірақ киностудияларда кастингтің талабы күшті дейді. Іріктеуден сүрінбей өту үшін қандай талаптарды орындау шарт?
Айдана, Тараз қаласы
Тиісті жерге жіберу үшін сіз фотоға кө­зілдіріксіз, бас киімсіз, бояусыз, фо­то­шоп­сыз, тек табиғи қалпыңызда түсуіңіз керек. Фо­тосуреттер әртүрлі сипатта болуы шарт жә­не дене бітіміңіз бен бойыңыз анық кө­рінуі керек.
Бұған қоса, анкета толты­ра­сыз (фо­тосуретсіз анкета қабыл­дан­бай­ды):
• Аты-жөні, туған күні
• Ұлты
• Тұрғылықты жері
• Байланыс телефондары, e-mail
• Бойы, салмағы
• Аяқкиімінің мөлшері, киімнің мөлшері
• Көзінің, шашының түсі, ұзын­дығы
• Білімі (дипломдағы мамандығын көрсету керек). Мамандығы (жұмыс орны бойынша)
• Меңгерген тілдері
• Киноға түсу тәжірибесі (рөл мен эпизодты көрсету керек). Фильмнің атауы, түсірілген жылы, рөлі. Жалпы тү­сірілім (массовка) есептелмейді.
• Қосымша өнерлері (атқа міне білуі, жекпе-жек тәсілін меңгеруі, ән са­лып, би билеу өнері т.б )
• Дене жарақаттары мен татуиров­ка­ларының, ерекше белгілерінің бар-жоқтығын көрсету
• Жүргізуші куәлігі
• Шетелге шығу төлқұжаты
Қосымша талаптар:
• Қаладан басқа қалаға біраз уа­қытқа кету мүмкіндігіңіз бар ма?
• Эпизодтағы рөлге келісесіз бе?
• Жалпы түсірілімге (массовка) түсуге келісесіз бе?
• Жарнамаға түсуге келісесіз бе?