Карточкаға қате түскен ақша кімдікі?

Пластикалық карточкама банк қателесіп, 140 мың теңге аударыпты. Мен банкке хабарласып, олардың қателескенін ескерттім. Егер осы ақшаны қайтарғым келмесе, не болар еді?
Бану ӘЛИЕВА, Алматы
Бұл сұраққа байланысты банктің call-ор­талығына хабарластық. Ондағылар: «Егер ақшаны аударған адам карточка иесінің аты-жөнін жазып, карточка нөмірінде қателессе, банктің қаржыны қайтару мүмкіндігі бар», – деп жауап берді. Ал ақша тек карточка нөмірін енгізу арқылы жөнелтілетін жүйе арқылы аударылса, онда бұл қаржы карточка иесінің меншігі болып саналады. Мұндай жағдайда банк клиенттен қаржыны қай­таруды тек өтінуі мүмкін, талап ете алмайды. Есімін атауды қаламаған бір банк менеджері: «Мұндай жағдайлардың 70 пайызында кар­точка иелері ақшаны қайтармай­тын­дықтан, банк қаражатты өз шығынына қоса­ды», – деп жауап берді. Ал адвокаттық кеңсе ди­рек­торы Тайыр Назханов «бөтен біреудің ақ­шасын иемдену дұрыс емес, Азаматтық ко­декске сәйкес, банк сотқа шағымданып, ақ­шаны қайтара алады» деген пікірде.