Иранның астанасы Тебризге көшіріле ме?

Иран мемлекеті астанасын неліктен көшіргелі жатқанын білгім келеді.
Тимур, Оңтүстік Қазақстан облысы
Иранның астанасын Тегераннан көшіру мәселесі бұған дейін де жиі көтеріліп келген болатын. Бұған бірінші себеп – Тегеран қаласының шамадан тыс үлкеюі. Қазір ресми дерек бойынша Иран астанасында 12-13 миллион халық тұрады. Екінші себеп – Тегеран қаласы сейсмикалық қауіпті аймақта орна­лас­қан. Махмуд Ахмединежат Иран президенті болып тұрған тұста Тегерандағы 200 мың мем­лекеттік қызметкерді басқа қалаға ауыс­тыру жобасы басталған еді. Бірақ бұл іс аяқсыз қал­ды. Жуырда Иран  парламентінің 50 депу­таты бұл мәселені қайта қозғады. Қазір Иран президенті басқаратын 14 адамнан құрылған жұмыс тобы осы іспен айналысып жатыр. Олар бір жыл бедерінде астананы көшіру мәсе­лесін жан-жақты қарап, зерттеу нәтиже­лерін парламентке ұсынады. Иран билігі аста­наның қайда орналасуы мүмкін екендігін әлі ресми жариялаған жоқ. Алдын ала жасалған бол­жамдар бойынша болашақ астана 1,4 мил­лион тұрғыны бар Тебриз қаласы болуы мүм­кін. Бұл қала 1514 жылдары Түрік импе­рия­сының орталығы болған.