Инвентаризациялау әлі жалғасуда

Қазіргі уақытта қай өңірлерде жер телімдерін түгендеу жұмыстарын жүргізу (инвентаризация) толығымен аяқталды?
Алмас ҚЫРЫҚБАЕВ, Астана
Жеке тұрғын үй құры­лы­сын салуға арналған жер­лерді тү­ген­деу жұмыстары өткен жылы аяқталған бола­тын. Ағымдағы жылы аумағы 30,6 млн гектар ауыл шаруа­шы­лығына пайда­ла­нуға берілген жерлерді түген­деу жұ­мыс­тарын жүргізу жал­ғас­ты­рыл­ды. 90 млн га алаң жерді ин­вен­таризациялау 2012-2014 жылдарға жос­пар­ла­н­уда. Өңірлік жоспарда түгендеу жұмыстары бойын­ша бұл кешенді шара толы­ғымен 52 әкімшілік аудан және об­лыс­тық маңызы бар жеті қа­ла­да қамтылған. Қазір­гі уақытта аталған жұ­мыс іс жүзінде аяқ­талып, облыстық деңгейде әкімдік­тер­мен материалдар келі­сіліп, одан әрі бекітілу жұ­мыстары жүргізіліп жатыр.
Барлық түгендеу жұмыстары толық аяқталған соң, құжаттар тиісті әкімшілік шараларды қабылдау үшін жергілікті ат­қа­рушы органдарға және аумақ­тық жер инспек­ция­ла­рына жол­данатын болады. Ағым­­дағы жылғы жоспар бойын­ша бүгінгі күні ауыл­ша­руа­шылық ма­ңыз­дағы 30,6 млн гектар жерге түгендеу жұмыстары жүргізілді.
2013 жылғы 11 қараша жағ­дайы бойынша түгендеу жұ­мыстары еліміздің 13 о­б­лы­сында жүзеге асып, бекітілді.