Инновациялық грант дегеніміз не?

«Республикалық бюджеттен инновациялық грант бөлінді» деп айтылып жатады. Бұл нендей мақсаттағы шара екенін білуге бола ма?
Әсия, Көкшетау қаласы
Инновациялық грант – тә­жі­­рибелік конструкторлық жұ­мыс­тар немесе тәуекелі жоғары зерт­теулер, инно­ва­циялық жо­баның техникалық-эко­но­ми­калық негіздемесін әзірлеу, са­наткерлік меншік объектісін шетелде немесе халықаралық патенттік ұйым­дарға тіркету, ин­нова­ция­лық технологияны ием­дену мақ­сатында рес­пуб­ликалық бюд­жеттен бөлінетін қайтарымсыз қа­ражат. Мә­селен, «Ұлттық инновациялық қор» АҚ бас­пасөз қызметінің мә­ліметінше, биыл рес­пуб­ли­калық бюд­жет­тен 7,3 млрд тең­ге инно­ва­циялық грант бө­лінді. Ал был­тыр елімізде бө­лінген мұн­дай қаржының кө­лемі 1,7 млрд теңгені құраған екен. Осыдан-ақ аталған мақ­сат­қа бөлінетін қаражаттың төрт есеге молайғанын бай­қауға болады. Ұлттық ин­но­ва­ция­лық қор «бұл гранттар те­рең ғылыми негіздемесі бар тех­нологияларға пай­да­ла­нылып, еліміздегі ин­но­ва­ция­лық да­муды ынталандыруға жұм­са­ла­ды» дейді. Бұл арада үсті­міздегі жылдың 28 шіл­де­сінде инновациялық грант­та­р­ды алуға арызды қабылдау ша­ра­сы аяқталатындығын айта кетелік.