Имплементация халықаралық келісімдерге икемделу ме?

Жиі қолданылатын «имплементация» ұғымын ұлттық құқықты халықаралық құқыққа лайықтап жасау деп түсіну керек пе? Олар бір-біріне қайшы келмей ме?
Марал, Алматы облысы
Имплементация (лат. implemen­ta­tio – енгізу, жүзеге асыру) – ұлттық құ­­қықтық жүйеге халықаралық не­ме­се шетелдік құқық нормаларын енгізу про­цесін сипаттайтын термин. «Импле­мен­тация» термині көбінесе мемлекет ха­лықаралық-құқықтық актіні рати­фи­кациялағаннан кейін басталады, бі­рақ халықаралық құ­қық норма­ла­ры­ның ұлттық құқыққа им­пле­мен­та­циясы ратификацияға де­йін де жүзеге асы­рылады. Им­пле­мен­тация белгілі бір халықаралық шарт­тың қатысушы мем­лекетінің ха­лық­аралық құқық нор­маларын ішкі заң­намада қай­та­лау­мен бай­ла­нысты ғана құқық шы­ғар­машылық әреке­ті­мен шектелмейді. Ол ха­лықаралық-құқықтық нор­ма­лар­ды тікелей жүзеге асыруға бай­ла­нысты ұйым­дас­ты­ру­шылық сипаттағы шара­лар ке­ше­нін жүргізуді көздейді. Мемлекеттер тәжірибесінде ұлттық-құқықтық им­пле­ментацияның екі негізгі тәсілі қол­данылады: біріншісі – халықаралық міндеттемелерді орын­дау мақсатында жаңа норма­лар­ды шығару, өзгерту немесе қазір­гі ұлттық құқық норма­ла­рының кү­шін жою. Екіншісі – халық­ара­лық құ­қық нор­малары (шарттық және (не­месе) әдет­тегі) ұлттық құқық ая­сын­да, мем­лекет ішінде тікелей әре­кет ете ала­тындай ұлттық құқықты ха­лық­аралық құ­қыққа сілтеме жа­сау. Бірақ қандай жағдай болсын ұлт­тық заңдар ха­лық­аралық келісім­дер­­ге қайшы кел­меуі тиіс.