Имидж – киім сәнін ғана өзгерту емес

Қазіргі кезде «имидж» сөзі жиі қолданылады. Әсіресе, бұл термин «мына әншінің имиджі мынадай» дегендей өнер адамдарына қатысты айтылып жатады. Имидж дегеніміз киім киюдегі ерекшелік пе?
Дәрия МҰХТАРҚЫЗЫ, Астана қаласы
«Имидж» ағылшын тілінен аударғанда бейне, бейнелеу деген мағынаны білдіреді. Бұл қолданбалы өнердің құрамдас бөлігі адамның беделін, белгілі бір қажеттілігін қанағаттандыру үшін қажет. Басқаша айтқанда, адамның өзін-өзі жарнамалауы десек те болғандай. Имиджді қалып­тас­тыру немесе өзгерту тек киімнің сә­нін ауыстыру деген сөз емес. Имидж әлеу­меттік-саяси бағытта да адамның ба­ғасын арттыруға ықпал етеді. Имиджді қа­лып­тастыру үшін көптеген мамандар, пси­хологтар, PR менеджерлер, әлеуметтік қыз­мет­керлер, стилистер мен визажистер, про­дю­серлер еңбек етеді. Имидждің түр­лері төмендегідей: 1) Қоршаған орта имид­­жі (адамның жұмыс кеңсесі, көлігі), 2) Қоғамдық имидж (өзі қолданатын зат­тар, мысалы, хаттар, визит карталары, әдет­те сыйлайтын сыйлықтары, гүлдері); 3) Вербальды имидж (сөйлеу, жазу мә­де­ниеті); 4) Кинетикалық имидж (өзіне ғана тән іс-қимылдары), 5) Габитарлы имидж (киімі, тұтынатын заттары, шашының сән үлгісі т.б); 6) Ментальды имидж (дү­ние­танымдық көзқарастары, этикалық әдептері, әлеуметтік жағдайы); 7) Сыртқы имидж (адам туралы басқалардың ба­ғасы, дос-жарандардың, таныс, таныс емес жандардың деректері, бұқаралық ақ­парат құралдарының өзі туралы тарат­қан ақпараттары). Мамандардың ай­туын­ша, имидж адамның ішкі дүниесіне сай келуі шарт.