Ялта-Потсдам жүйесі және қосполярлы әлем

Халықаралық қатынаста Ялта-Потсдам жүйесі деген тіркесті естіп қаламын. Мұның мағынасы қандай?
Еркін СЕЙДАХМЕТ, Алматы облысы
Ялта-Потсдам жүйесі дегеніміз – Екінші дүниежүзілік со­ғыстан кейін Ялта(4 — 11 ақ­пан. 1945) мен Потсдам (1945жыл, 17 мау­сым­нан 2 та­мыз­ға дейін) қалала­рын­да өткен кон­фе­рен­циялар нә­ти­жесінде бекі­тілген әлемдік тәртіптің жаңа көрінісі. Аталған жиында халықаралық қатынастың жаңа жүйесі ретінде АҚШ пен КСРО төрелік ететін биполярлы әлем­нің негіздері қалыптасқан болатын. Оны кейде «Потсдам дәуірі» деп те атайды. Себебі бұған дейін бар­ша әлем екі мемлекеттің ық­пал ету аймақтарына жасанды түрде бөлініп көрген емес. Әлемнің қосполярлы тәр­тібі тарихта «қыр­ғи-қабақ» соғыс деп аталып кет­кен, капиталистік және социа­лис­тік лагерьлердің ара­сындағы теке­тіреске алып келді.