Ядролық қарумен жарақтану жалғасып жатыр

Жыл сайын БҰҰ әлемдегі ядролық қаруды азайту жөнінде түрлі шаралар ұйымдастырып жатады. Бұл шаралар нәтиже беріп жатыр ма?
Қанат, Тараз
SIPRI деректеріне жүгінсек, әлем­­нің ядролық державалары атом­дық қару арсеналын әлі де кү­шейту үстін­де. Әлемде жал­пы са­ны тоғыз мем­ле­кет яд­ро­лық қа­руға ие: АҚШ, Ре­сей, Ұлы­­бри­­та­ния, Франция, Қы­­тай, Үн­­дістан, Пә­­кіс­тан, Из­раиль, Сол­­түс­тік Ко­рея. Оның ішін­де Бі­рік­кен Ұлттар Ұйы­­мы­ның «Яд­ро­лық қару та­ратпау жө­ніндегі» келісім­шар­тына қол қой­ған бес мем­лекеттің яд­ро­лық қа­руы рес­ми тіркелген. Олар – АҚШ, Ре­сей, Ұлыбри­та­ния, Фран­ция, Қытай. SIPRI де­рек­теріне сү­йен­сек, қазіргі кез­де Қы­тайда – 250 ядролық оқ­тұм­сық, Пәкістанда – 100-120, Үндістанда 90-100 оқ­тұм­сық бар. Бұл осы­дан екі жыл бұ­рын­ғы көр­сет­кішпен са­лыстырғанда 10 па­йыз­ға ар­тық. Ядролық қарулы ел­дер­дің ара­сында тек Ресей мен АҚШ қана ядролық оқтұм­сық­та­ры­­ның санын азайтуда. АҚШ Пре­­­зи­денті Барак Обама АҚШ-тың ядро­лық арсеналын 80 па­йыз­ға азайтуды жос­пар­лауда. Ре­сейдің ядролық ар­се­налы 18 мың стра­те­гиялық оқ­­тұм­сықты құ­райды. Қару санын өз­герт­пей ұс­тап отырған үш ел бар. Ұлы­бри­тания (яд­ро­лық арсе­на­лы 246–296 оқ­тұмсық), Франция (300), Из­­раиль (80).