Ғарышқа қанша елден қанша адам ұшты?

Адамзат баласының ғарышқа ұшқанына да жарты ғасыр өтті. Осы орайда менің білгім келгені, осы 50 жыл ішінде қанша елден  қанша адам ғарышта болып қайтты? Ғарышқа ең көп ұшқан қай елдің азаматтары?
Еркін ЕРМЕКБАЕВ, Қарағанды облысы
Ең алғаш 1961 жылы тұңғыш ға­рыш­кер Юрий Гагарин ғарыш көгіне көтерілген болатын. Одан бергі 50 жыл ішінде ғарышқа 300-ге жуық ғарыш кемесі ұшырылыпты.
Ресей ғарышкерлер дайындау орталығы бастығының ғылыми жұмыс жөніндегі орынбасары Борис Крюч­ковтың ресми мәліметі бойын­ша, өткен жарты ғасыр ішінде ға­рышқа 500-ден аса ғарышкер ұшырылған.
Оның айтуынша, ғарышта 35 ел­дің 520 азаматы болып қайтқан.
Ғарышта ең көп болған Америка астронавттары екен. Олардың жалпы саны – 332 адам. Ал ғарыш көгіне көтерілген кеңестік және ресейлік ғарышкерлер саны – 110 адам. Бұл мәліметті Борис Крючков мырза «Ғарыштық форум -2011» барысында БАҚ өкілдерінің назарына ұсынған.